Domaines concernées par cet événement: Arts/Culture
كتتفجع من كرسي القراية قداش يتصرف عليه؟ و كرسي الخدمة كيفاش توصل ليه؟ و تتحير على كرسي الدولة شكون إيعبيه؟ على الشعب شكون يزهيه؟ و العلم شكون يحميه؟ فرصة تجيب كرسيك نعملو لمتنا نسمعو موزيكتنا نتفرجو في حكايتنا و نحركو فكرتنا الى حومتنا تنجم توصللنا حلمتنا.
« جيل ضد التهميش »، « حركة شباب أريانة » و »فني رغما عني » لمتنا رؤيتنا للفضاءات العمومية المنسية في الحوم الشعبية. الفكرة الي تولي فضاءات فنية حرة قادرة على إحداث الفرق في الوعي في وسط الجواجم متاع الإنتخابات و العودة المدرسية و الجامعية وفي واقع متاع تهميش وخصاصة و التمييز .
العرض باش يكون مع مجموعات موسيقية باش يجونا من رواد بمبادرة من « حركة شباب رواد »و يعبو الدنيا موزيكا و إيقاع.
مع الموسيقى ثمة المسرح الي جمعية « فني رغما عنى » تقدملنا عرض « القنطرة » تحت القنطرة متاع الكبارية تكون ربطة بين الي الموجود و الي نحبو نوصلولو.
نكملو بعرض فيلم سينمائي ..
يلا
